سافرت في عينيك بعيد والسكة أعياها المشي

سافرت في عينيك بعيد
والسكة أعياها المشي
والرحلة إمتدت دِهور
وقليبي نازف منزوي
بِتمنى مِنك ما يغيب
راجيك وعشمان ترجعي
حتى الدموع نزلت مطر
مسحت ملامح بسمتي
ولا الجمال .. سافر رحل
يسال عليك لامِن حِفي
كيف الوصول لزول صبح
روحي ومباهج دُنيتي
لا فرحه بعدك كُت بحِس
لا غبطة لا شوقا ندي
حتى النجوم فوق في سماي
عِرفت مواجع عِلتي
قالت لي إنسانك عزيز
وضميرو صاحي ومنتشي
ما أظن بِحُبك يوم يبوح
وما أظن لغيرك يحكي شي
عاشقك وما بِبدل سواك
لكنه بخجل وبختشي
خليهو يفرح بمجيك
يتذوقك عسلا نقي
ما اصلو غيرك ما عرف
ومشاعرو تنده ليك تجي